အညိုရောင်ဖြုတ်ပိုး

ပိုး၏အင်္ဂလိပ်အမည်- Rice Brown Planthopper

ဖျက်ပိုး၏ သိပ္ပံအမည်- Nilaparvata lugens

ကျရောက်နိုင်သည့် အဆင့်

စပါးပင် ကြီးထွားနေ သော အဆင့်တွင် တစ်ပင်လုံးတွင် ကျနိုင်သည်။ အရွက်များ၊ ပင်စည်များမှ ပင်ရည်စုပ်ယူဖျက်ဆီးသည်။

ဖျက်ဆီးမှုလက္ခဏာ

• အပင်အရောင် မညီညာဘဲ အဝါရောင်နှင့် အစိမ်းရောင် ကွက်တိကွက်ကြားဖြစ်နေခြင်း။

• အရွက်ရင့်များ ရွက်ထိပ်မှ အလယ်ကြောထိ အဝါရောင်ပြောင်းလာခြင်း။

• အရွက်များခြောက်သေခြင်း၊ မီးမြှိုက်ထား သကဲ့သို့ ဖြစ်ခြင်းများကို တွေ့နိုင်သည်။

Source: IRRI 

ဖျက်ပိုးကာကွယ်ရန်အလေ့အကျင့်ကောင်းများ

• တစ်နှစ်လျှင် ၂ သီးထက်ပိုမစိုက်ခြင်း

• စောပြီးရင့်မှည့်သောမျိုးကို ရွေးစိုက်ခြင်း

• နိုက်ထရိုဂျင်မြေသြဇာကို အလီလီခွဲကျွေးခြင်း

• ပိုးကျများစွာကျနေလျှင် စိုက်ကွက်မှ ရေကို ၃-၄ရက် ခန့် ထုတ်ထားပေးခြင်း

• သဘာဝရန်သူ သားရဲ နှင့် ကပ်ပါးများ စပါးခင်းထဲ လွှတ်ပေးခြင်း။

• စပါးခင်းတွင် နဂိုရှိနေသော သဘာဝ ရန်သူပိုးများ တိုးလာစေရန် ဓာတုဆေးများ လျှော့သုံးခြင်း

အညိုရောင်ဖြုတ် ပိုးဒဏ် ခံနိုင်ရည် ရှိသောမျိုးများမှာ - IR 26, IR 64, IR 36, IR 56, IR 72,  IR 74  တို့ဖြစ်သည်။

ဓာတုဆေးဖြင့် ကာကွယ်နှိမ်နင်းပုံ

• ပင်လုံးပျံ့ပိုးသတ်ဆေးများသုံးပါ။

• ထိသေပိုးသတ်ဆေးကို လိုအပ်မှသုံးပါ။

• Chlopyriphos/ ကာဘိုဆာလ်ဖန်/ အဆီတာမီပရစ်/ ကာတက်