ជំងឺអុចត្នោត
- ជំងឺអុចត្នោតគឺ បង្ករឡើងដោយពួកផ្សិត (Cochliobolus miyabeanus)
- ជំងឺនេះអាចកើតឡើងចាប់ពីដំណាក់កាលសាបកូន។
- ស្នាមដំបៅនៅលើផ្ទៃស្លឹកដែលបង្ករឡើងដោយមេរោគអាចបណ្តាលឱ្យមានចំណុចខ្មៅនៅលើស្លឹក គ្រាប់ និងសម្បកស្រូវ ហើយធ្វើអោយធ្លាក់ចុះតម្លៃ និងប៉ះពាល់ដល់បរិមាណ។
រោគសញ្ញា
- រោគសញ្ញាភាគច្រើនកើតឡើងលើគ្រាប់ និងស្លឹក
- ជំងឺនេះលេចឡើងដោយមានចំណុចពណ៌ត្នោតទំហំប៉ុនគ្រាប់ល្ងនៅលើស្លឹក។ ដំបូង ចំណុចទាំងនោះមានពណ៌ត្នោត ហើយក្រោយមក ចំណុចរីកធំក្លាយជារាងពងក្រពើ ជាមួយនឹងគែមពណ៌ត្នោតខ្មៅ និងកណ្តាលពណ៌ប្រផេះ
- ជំងឺនេះក៏រាលដាលលើគ្រាប់ស្រូវដែរ
រោគសញ្ញាជំងឺអុចត្នោតនៅលើស្លឹកស្រូវ
ប្រភព៖ Lucid central and IRRI
ស្នាមដំបៅពណ៌ត្នោតរីកធំជាមួយនឹងពណ៌ប្រផេះនៅខាងក្នុង
ប្រភព៖ Lucid central and IRRI
វត្តជីវិតនៃជំងឺ
- គ្រាប់ពូជដែលមានមេរោគគឺ ជាមូលហេតុចម្បងនៃការចម្លងមេរោគ
- ការឆ្លងដែលអាចកើតមានពីដី ព្រោះដោយសារតែផ្សិតដែលចម្លងមេរោគអាចរស់នៅក្នុងកាកសំណល់រុក្ខជាតិ និងនៅក្នុងដីបានរយៈពេល 2-3 ឆ្នាំ
- ជំងឺនេះក៏រីករាលដាលតាមរយៈខ្យល់ពីតំបន់ដែលមានមេរោគ
ការអនុវត្តល្អសម្រាប់ការបង្ការ
- ប្រើគ្រាប់ពូជដែលគ្មានជំងឺ ដែលមានការត្រួតពិនិត្យត្រឹមត្រូវ
- ការត្រាំគ្រាប់ពូជក្នុងទឹកក្តៅ (53-54°C) រយៈពេល 10-12 នាទីអាចកម្ចាត់ផ្សិតដែលបណ្តាលមកពីគ្រាប់ពូជជាដំណាក់កាលដំបូង
ការគ្រប់គ្រងគីមីសាស្រ្ត
- ការព្យាបាលគ្រាប់ពូជ- ដោយប្រើថ្នាំសម្លាប់ផ្សិតដូចជា iprodione, propiconazole, azoxystrobin, trifloxystrobin និង carbendazim តាមកម្រិតដែលបានណែនាំ។