ការសាងសង់ស្រះ

• ស្រះត្រូវតែរៀបចំនៅកន្លែងដែលសមស្រប។
• ស្រះរាងចតុកោណ គឺងាយស្រួលសម្រាប់តាមដានអត្រានៃការស៊ីចំណីរបស់ត្រី ការបញ្ចូលទឹក ការប្រមូលផល ក៏ដូចជាការសម្អាតបាតស្រះផងដែរ។

• ភ្លឺស្រះ ត្រូវតែសាងសង់ដោយផ្អែកលើប្រភេទដី ស្ថានភាពទឹកភ្លៀងនៅក្នុងតំបន់ ហើយកម្ពស់សមស្របដើម្បីជៀសវាងទឹកជំនន់។

• ខ្នងនៃភ្លឺស្រះ គឺត្រូវសាងសង់ឡើង ដើម្បីងាយស្រួលតាមដានត្រី ការអោយចំណី និងការប្រមូលផលរវាងស្រះនីមួយៗ។
• ជើងទេនៃភ្លឺស្រះ ត្រូវតែសាងសង់ដើម្បីធានាថាអាចទប់ទល់នឹងទឹកជំនន់ និងទឹករលកបាន។
• ត្រូវសាងសង់ជើងទេពីបាតស្រះទៅខ្នងភ្លឺស្រះដោយមានជម្រាលដើម្បីកាត់បន្ថយការហូរច្រោះដីពីជម្រាល។

• កន្លែងបង្ហូរទឹកត្រូវទាបជាង ២ភាគរយ នៃបាតស្រះ។

• ការចិញ្ចឹមត្រីទីឡាព្យាឈ្មោលតែមួយមុខ គឺអាចចិញ្ចឹមបាន ទោះបីនៅក្នុងស្រះទំហំត្រឹមតែ ៣០ម៉ែត្រការ៉េក៏ដោយ។

• ជម្រៅទឹកល្អបំផុតគឺ ១,៥ ម៉ែត្រ ហើយបង្គោលវាស់កម្ពស់ទឹក គួរដាក់ក្នុងស្រះមុនពេលបញ្ចូលទឹក ដើម្បីងាយស្រួលកំណត់ជម្រៅទឹក។

• សាងសង់ស្ពានឬស្សី ឬឈើប្រវែង ៣ ម៉ែត្រក្នុងស្រះ ដើម្បីជាកន្លែងអោយចំណីត្រី។

• បំពង់បញ្ចូល និងបញ្ចេញទឹក ត្រូវតែនៅដាច់ដោយឡែកពីគ្នា ដោយប្រើបំពង់ទីបក្រាស់ដែលមានអង្កត់ផ្ចិត ៣-៤ សង់ទីម៉ែត្រ ដែលសមស្របសម្រាប់បញ្ចូល និងបញ្ចេញទឹក។

• ត្រូវធ្វើរបង ឬរនាំងដើម្បីការពារសត្វចូលស៊ីត្រី និងការហូរចូលនូវប្រភេទត្រីធម្មជាតិ (ត្រីព្រៃ) ទៅក្នុងស្រះ។

រូបភាពទី១ ប្រព័ន្ធអាងចិញ្ចឹមត្រី (ប្រភព៖ កសិករឆ្លាតវៃនៅអាហ្រ្វិក)