ငါးသားပေါက်များထုပ်ပိုးခြင်းနှင့် သယ်ယူခြင်း

ငါးသားပေါက်များထုတ်ပိုးရာတွင်- 

• ပထမဦးစွာ ပလပ်တစ်အိတ်အတွင်းသို့ ကန်ရေကြည်ရေသန့် ၂၀ ရာခိုင်နှုန်းဖြည့်ပါ။ အလျား ၇၀ စင်တီမီတာနှင့် အနံ ၃၀-၄၀ စင်တီမီတာဆိုဒ်ရှိသော ပလပ်စတစ်အိတ်ကိုအသုံးပြုကြသည်။ 

• ငါးသားပေါက်အရေအတွက်ကို ချိန်တွယ်ရေတွက်၍ ပလပ်စတစ်အိတ်ထဲသို့ထည့်ပြီး  အိတ်အတွင်းမှ သဘာဝ လေများကို ထုတ်ပစ်ပါ။

• ၎င်းနောက် ပလပ်စတစ်အိတ်ထဲသို့ အောက်ဆီဂျင် ၈၀ ရာခိုင်နှုန်းဖြည့်ပြီး သရေကွင်းဖြင့်တင်းကြပ်ခိုင်မြဲအောင် ချည်ပါ။ 

• သယ်ယူမည့်ခရီးအကွာအဝေး၊ ငါးသားပေါက်အရွယ်အစား နှင့်ရေအပူချိန်တို့အပေါ်တွင် မူတည်၍ အိတ်တစ် အိတ်တွင်ထည့်သွင်းရမည့် ငါးသားပေါက်ပမာဏသည် ကွဲပြားသည်။

• သယ်ယူရမည့်ခရီးတိုပြီး ရေအပူချိန်နိမ့်ပါက ငါးသားပေါက်အရွယ်ငယ်လေးများကို များများထည့်နိုင်သည်။ 

• ရေအပူချိန် ၂၅ ဒီဂရီစင်တီဂရိတ်တွင် ငါးသန်အရွယ်သားပေါက်အကောင်ရေ ၁၀၀၀၀-၁၅၀၀၀ ကို ကြာမြင့်ချိန် ၂၀ နာရီကျော်အထိထည့်သွင်းသယ်ဆောင်နိုင်သည်။ 

• ပလပ်စတစ် တစ်အိတ်လျှင် ၁.၅ စင်တီမီတာရှိသော ငါးသားပေါက်များကို အကောင်ရေ ၃၅၀၀-၅၀၀၀ အထိ ထည့်သွင်းနိုင်ပြီး ၃ စင်တီမီတာအရွယ်ငါးသားပေါက်များကို အကောင်ရေ ၁၅၀၀-၂၀၀၀ ထည့်သွင်း သယ်ဆောင်နိုင်သည်။

ငါးသားပေါက်များသယ်ယူရာတွင် - 

• ငါးသားပေါက်များ stress ဖြစ်ပေါ်မှုကိုလျော့ချရန် အပူချိန်မြင့်မားသောအချိန်တွင် မသယ်ဆောင်သင့်ပါ။ အထူးသဖြင့် ပူသောရာသီတွင် ငါးသားပေါက်များကို မနက်ပိုင်း (သို့) ညနေပိုင်းတွင် သယ်ဆောင်ပါ။

• ရေလမ်းကြောင်းဖြင့် သယ်ဆောင်နိုင်ပါက ပိုကောင်းသည်။

ပုံ (၂) ငါးသောက်ပေါက်သယ်ယူရန် ပြင်ဆင်ခြင်း (Source: The transport of live fish. A review)