သောက်ရေထားရှိခြင်း

• ကြက်များအားတိုက်သော ရေသည့် သန့်ရှင်းကာ ပိုးမွှားများ ကင်းရှင်းနေရမည်။ အကယ်၍ ရေမသန့်ပါက ကလိုရင်း (သို့) အခြားသုံးစွဲရန် ခွင့်ပြုထားသော ဆေးများ ထည့်ပေးသင့်သည်။

• ကြက်များသောက်သောရေသည် ၎င်းတို့စားသော အစာ၏ ၂ ဆဖြစ်သည်။ ပူပြင်းသော နွေရာသီများတွင် ၃-၄ ဆလောက်ထိ သောက်နိုင်ကြသည်။

ပထမပတ်ကြက်များ

• ပထမပတ်ကြက်ကလေးများကို ပက်လက်ရေခွက်များဖြင့် ရေတိုက်နိုင်သည်။

• ရေခွက်များအောက်တွင် သွပ်ပြား (သို့) သစ်သားပြားများ ခံထားပေးခြင်းဖြင့် ကြက်ချေးနှင့် အခင်းပစ္စည်းများ ရေခွက်အတွင်း ကျရောက်မှု နည်းစေကာ သောက်ရေ၏သန့်ရှင်းမှုကို ထိန်းပေးနိုင်သည်။ 

ပထမပတ်နောက်ပိုင်းကြက်များ

• ပထမပတ်နောက်ပိုင်းကြက်များကို ရေတိုက်ရန် နှုတ်သီးခေါင်းဖြင့် ရေတိုက်စနစ် (သို့) ခေါင်းလောင်းပုံ ရေခွက်များကို ပက်လက်ရေခွက်များ မဖယ်ရှားမီ ရက်အနည်းငယ် ကတည်းပင် ကြိုတင်တပ်ဆင်ထားရမည်။

• ရေခွက်များကို အစဉ်အမြဲ သန့်ရှင်းခြင်းနှင့် ရေပုံမှန်လဲပေးခြင်များ လုပ်ဆောင်ရမည်။