လွှတ်ကျောင်း မွေးမြူခြင်း

• ကြက်များကို ကြက်ခြံထဲ၌ မွေးမြူခြင်းမဟုတ်ဘဲ သဘာဝအတိုင်း လွတ်လပ်စွာ လွှတ်ကျောင်းမွေးမြူခြင်းဖြစ်သည်။

• သဘာဝအတိုင်းလွှတ်ကျောင်းမွေးမြူသည့် ကြက်နှင့် ကြက်ဥများမှာ အာဟာရဓာတ်ပိုမိုပါဝင်ပြီး မွေးမြူရေးကြက်ဥများ ထက် ဈေးနှုန်းကောင်းမွန်သည်။

• လွှတ်ကျောင်းမွေးမြူခြင်းဖြင့် ရရှိလာသော ကြက်ဥများသည် ပြည်တွင်းတွင်သာမက ပြည်ပတွင်ပါ လူကြိုက်များကြသည်။

• လွှတ်ကျောင်းမွေးမြူသည့်အခါ ကြက်များလွတ်လပ်စွာ သွားလာနိုင်သော်လည်း သားရဲတိရစ္ဆာန်များစားသုံးခြင်း၊ ထိခိုက် ဒဏ်ရာရခြင်း၊ အဆိပ်ရှိသော အရာများစားသုံးမိခြင်း၊ သေဆုံးခြင်းများ ကြုံတွေ့နိုင်သည်။

• ထို့အပြင် ကြက်များရှာဖွေစားသုံးသော အစာနှင့် ရေမှာ သန့်ရှင်းမှုရှိ၊ မရှိ သေချာစစ်ဆေးနိုင်မည် မဟုတ်ပါ။

• ထို့ကြောင့် လွှတ်ကြောင်းစနစ်ဖြင့် မွေးမြူမည်ဆိုလျှင် မြေကြီးတွင် ဓာတုမြေဩဇာ၊ ဓာတုပစ္စည်းများ ရှိ/မရှိ စစ်ဆေးရန်လို သည်။ ကြက်များကို တိုက်သည့်ရေမှာ အာဆင်းနစ်ဓာတ်၊ သတ္တုဓာတ်များ ပါ/ မပါ စစ်ဆေးရမည်။ အစာကိုလည်း ဓာတုအစာများ မဟုတ်ဘဲ သဘာဝအစာများဖြစ်သည့် ပဲဖတ်၊ နှမ်းဖတ်၊ ပြောင်းဆံ စသည်တို့ ကျွေးရန်လိုသည်။ 

• ထိုအချက်များကို စနစ်တကျ ပြင်ဆင်နိုင်ပါက လွှတ်ကျောင်းမွေးမြူခြင်းသည် တိုင်းရင်းကြက်မွေးမြူသူများအတွက် ထိရောက်ကာ အာဟာရဓာတ်ပြည့်ဝသော ကြက်ဥ၊ ကြက်သားများ ထုတ်လုပ်နိုင်မည်ဖြစ်သည်။

  

 ကြက်များကို လွှတ်ကျောင်းမွေးမြူခြင်း