ការផ្ដល់ចំណី

·       តើវារីវប្បករគួរជ្រើសរើសចំណីប្រភេទណាសម្រាប់ចិញ្ចឹមត្រី?

ü  គន្លឹះក្នុងការពិចារណាឈានដល់ការគ្រប់គ្រងល្អ និងការសម្រេចចិត្តដ៏ត្រឹមត្រូវមួយគឺការយល់ដឹងអំពីសមាមាត្រចំណី ឬមេគុណចំណី (FCR) ក្នុងផលិតកម្ម។

·       ចំណីគឺជាការចំណាយខ្ពស់បំផុតក្នុងចំណោមការចំណាយក្នុងផលិតកម្ម។

·       ដូចនេះវារីវប្បករត្រូវយល់ដឹងឱ្យបានច្បាស់អំពីមេគុណចំណី ពីព្រោះអាចដឹងពីការប្រើប្រាស់ថវិកាទៅលើផលិតកម្មទោះបីចំណីខ្លះត្រី មិនបានស៊ី ឬត្រីខ្លះត្រូវបានបាត់បង់ក្នុងអំឡុងពេលចិញ្ចឹមហើយក៏ដោយ ក៏ចំណីទាំងអស់នៅតែជាការចំណាយក្នុងផលិតកម្ម។

រូបមន្តគណនាសមាមាត្រចំណី ឬមេគុណចំណី (Feed Conversion Ratio "FCR")  

·      

ឧទាហរណ៍៖ ការគណនាមេគុណចំណី

-       ចំនួនកូនត្រីប្រា ៥០០០ក្បាល

-       ទម្ងន់កូនត្រីជាមធ្យម ៥ក្រាម

-       ទម្ងន់ត្រីសរុបពេលដាក់ចិញ្ចឹម ២៥គ.ម (៥០០០ក្បាល x៥ក្រាម)

-       ទម្ងន់សរុបពេលប្រមូលផល ២១២៥គ.ក

-       កំណើនទម្ងន់សរុបរបស់ត្រី ២១០០គ.ក

-       ទម្ងន់ចំណីសរុបដែលបានប្រើប្រាស់ក្នុងផលិតកម្ម (ចំណីគ្រាប់) ៣៥០០គ.ក

-       មេគុណចំណី (FCR) ៣៥០០ ÷ ២១០០ = ១.៦៧

-       មេគុណចំណី (FCR) ១.៦៧ ជាទិន្នន័យល្អសម្រាប់ការចិញ្ចឹមត្រីប្រា ប៉ុន្តែកសិករត្រូវធៀបទៅនឹង តម្លៃចំណីគ្រាប់ដែលបានប្រើប្រាស់ ដើម្បីដឹងអំពីគុណភាពចំណី។

·       វិធីសាស្ត្រវាយតម្លៃចំណីគឺយក ៖ តម្លៃចំណី x មេគុណចំណី (FCR))

·       ជាឧទាហរណ៍ ចិញ្ចឹមត្រីប្រារយៈពេល ៤ខែ ទទួលបានត្រីទម្ងន់មធ្យម ០,៥គ.ក/ក្បាល

·       មេគុណចំណីធំជាង ១,៦៧ ប៉ុន្តែត្រីមិនសូវលូតលាស់ (០,៣-០,៤គ. ក/ ក្បាល) មានន័យថាគុណភាពចំណីមិនល្អ គួរផ្លាស់ប្តូរទៅប្រើប្រាស់ប្រភេទចំណីថ្មីដែលមានគុណភាពល្អជាង។

·       បើមេគុណចំណីធំជាង ១,៦៧ (អាចដល់ ២) តែទម្ងន់ត្រីជាមធ្យមទទួលបាន (០,៥គ.ក/ក្បាល) ស្របតាមផែនការ ទិន្នន័យនេះមានន័យថាការប្រើប្រាស់ចំណីលើសមិនត្រឹមត្រូវតាមបច្ចេកទេស។

·       មេគុណចំណីតូចជាង ១,៦៧ ត្រីមិនសូវលូតលាស់ (០,២-០,៣គ.ក/ក្បាល) មានន័យថា ចំណីមានគុណភាពមិនល្អ ឬការផ្តល់ចំណីមិនគ្រប់គ្រាន់។

·       មេគុណចំណីតូចជាង ១,៦៧ ត្រីលូតលាស់លឿន (ទម្ងន់លើស០,៥គ.ក/ក្បាល) មានន័យថាចំណីមានគុណភាពល្អ និងគ្រប់គ្រាន់។

·       ដូច្នេះ វារីវប្បករត្រូវពិនិត្យលើគុណភាពចំណី និងគ្រប់គ្រងរបៀបនៃការផ្តល់ចំណី។

·       មេគុណចំណីធំ ឬតូចអាស្រ័យលើកត្តាមួយចំនួនដូចខាងក្រោម÷

ü  ពូជត្រីដែលដាក់ចិញ្ចឹម

ü  ចំណីដែលបានប្រើ (កម្រិតប្រូតេអុីនខ្ពស់ ឬទាប)

ü  របៀបផ្តល់ចំណី (ការគ្រប់គ្រង)

·       ការផ្តល់ចំណី៖ ការកំណត់នូវបរិមាណចំណី កម្រិតប្រូតេអុីនក្នុងចំណី ទំហំចំណី និងពេលវេលាផ្តល់ចំណី គឺជាកត្តាសំខាន់ដើម្បីឱ្យត្រីធំធាត់លឿន និងទទួលបានទិន្នផលតាមផែនការកំណត់។

·       ចំណីដែលត្រូវផ្តល់ឱ្យត្រីស៊ីប្រចាំថ្ងៃត្រូវមានការសិក្សា និងគណនាច្បាស់លាស់។

·       របៀបនៃការផ្តល់ចំណី និងការគណនាចំណីប្រចាំថ្ងៃរួមមានដូចខាងក្រោម÷