စပါးဆစ်ပိုး
ပိုး၏အင်္ဂလိပ်အမည်- Rice Stem Borers
ပိုး၏ သိပ္ပံအမည်_ Chilo suppressalis (Walker, 1863)
စပါးပြီး စပါးစိုက်ပျိုးသော ဒေသများတွင် ကျရောက်ဖျက်ဆီးမှု အလွန်များတတ်သည်။
ကျရောက်နိုင်သည့်အဆင့် နှင့် ဖျက်ဆီးပုံ -
ပျိုးပင်အဆင့်၊ ကြီးထွားနေသောအဆင့်၊ ပန်းပွင့်သောအဆင့် တို့တွင်တပင်လုံးရှိ အရွက်များ၊ ပင်စည်များ၊ ကြီးထွားနေသော အပိုင်းများတွင် ပိုးတုံးလုံးများက ဝင်ရောက် စားသောက်ဖျက်ဆီးသည်။
ဖျက်ဆီးမှုလက္ခဏာ-
-
အပင်အလယ်ပိုင်းရှိ ကြီးထွားမည့် အညွန့်အတက် သေနေခြင်း Dead Heart ၊ - စပါးနှံမအောင်မြင်ဘဲ အနှံဖြူများဖြစ်ခြင်း-White Head
-
ပင်စည်ကျိုးကျနေခြင်း အရွက်များပုံပျက် နေခြင်းများ တွေ့ရသည်၊
|
ဆစ်ပိုး အရွယ်ရောက် ဖလံ နှင့်. ပိုးတုံးလုံး |
A: Dead heart. B: White head ဆစ်ပိုးကျရောက်ဖျက်ဆီးခံရသော လက္ခဏာ |
|
|
source : IRRI |
source: Plant Wise knowledge Bank |
|
ဖျက်ပိုးကာကွယ်ရန်အလေ့အကျင့်ကောင်းများ
-
အပင်ပုပြီး သက်တမ်းတိုသော မျိုးကို စိုက်ခြင်း။
-
ပျိုးထောင်ချိန် နှင့် စိုက်ချိန်ကို ချင့်ချိန်၍ ပိုးအများအပြားကျချိန်နှင့် အနှံထွက်ခါနီးအချိန် မတိုက်ဆိုင်အောင်စိုက်ခြင်း။
-
ဥ အစုအဝေးကို လက်ဖြင့် ကောက်ယူဖျက်ဆီးခြင်း။
-
ဆစ်ပိုး၏ သဘာဝရန်သူ သားရဲ နှင့် ကပ်ပါးများ သုံးခြင်း
-
ဥကပ်ပါးများအနက် ကပ်ပါးနဂျီ (Telenomus spp, Tetrastichus spp, Trichogramma spp) တို့ကိုမွေး၍ အဝါရောင်ဆစ်ပိုး ဦးရေနဲအောင်လုပ်ခြင်း
-
ဥများကို စားသုံးသည့် သားရဲကောင်ဖြစ်သော ပင့်ကူများ၊ နှံကောင်များ ထည့်ပေးခြင်း
-
ခံနိုင်ရည်ရှိသောမျိုး မရှိသေးပါ
ဓာတုဆေးဖြင့် ကာကွယ်နှိမ်နင်းပုံ
ပင်လုံးပျံ့ပိုးသတ်ဆေးများသုံးပါ ( Carbofurum, Chlopyriphos စသည် )
ပင်ပွားထွက်စအချိန်တွင် ပင်လုံးပျံ့ဆေးလုံးငယ်များကို အပင်ခြေတွင် ထည့်ပေးခြင်း၊
အပင်ကြီးထွားချိန်တွင် ဖြန်းဆေးပက်ဖျန်းခြင်း ဆောင်ရွက်ပါ။
ET မှာ ကျပန်း အပင်ရုံ ၂၀ တွင် ဥ အစုအဝေး ၂ ခု / ၁ စတုရန်းမီတာတွင် ဖလံ ၁ကောင် / စပါးရုံ အလယ်သေခြင်းနှင့် အနှံဖြူများ ၁၀-၁၅ % တွေ့ရချိန်