စပါးရွက်ထိပ်ဖြူရောဂါ
ရောဂါ၏ အင်္ဂလိပ်နာမည်- Rice white tip nematode disease
-
စပါးပင်၏ အရွက်ဖျားတွင် ကျရောက်သော Aphelenchoides besseyi နီမတုတ် ကြောင့်ဖြစ်သည်။
-
စပါးတွင် ဖျက်ဆီးမှုအများဆုံး ကပ်ပါးရောဂါ တမျိုးဖြစ်သည်။
-
စပါးစိုက်ပြီး ၂ လခန့်တွင် ရောဂါ လက္ခဏာတွေ့ရှိရတတ်သည်
ရောဂါလက္ခဏာ
-
အရွက်များထိပ်ပိုင်း ၁ လက်မ နှ ၂လက်မခန့် အဖြူရောင်ဖြစ်နေပြီး နောက်ပိုင်းတွင် ယင်း ထိပ်ဖျားပိုင်းသည် လိမ်ကောက်ပြီး ခြောက်သွေ့ သွားသည်။
-
အရွက်အဖျားသာ ဖြူပြီး ခြောက် သွေ့ သွားသော်လည်း ကျန်အရွက် အစိတ်အပိုင်း များ ပုံမှန်အတိုင်းစိမ်းလျှက်ရှိသည်။
-
ဆက်လက်တိုက်ခိုက်ခံရပါက အလံရွက် ရှုံ့တွလိမ်ကောက်ပြီး အနှံမထွက်နိုင်ဘဲဖြစ်နေ တတ်သည်။ အနှံထွက်ပါက အရွယ်အစား ပုံမှန်ထက်သေးပြီး အစေ့များအဆံမတည်ကြပါ။
 |
 |
|
ထိပ်ဖြူရောဂါ ကျနေသော စပါးရွက်များ Source: LSU Agri-center |
ရောဂါကူးစက်ဖြစ်ပွါးပုံ
-
နီမတုတ်များသည် ရောဂါကျစပါးမျိုးစေ့ထဲတွင် နေထိုင်ကြပြီး စိုက်ပျိုးသောအခါ နိုးကြားလာပြီး စပါးပင်၏ကြီးထွားဇုံ ပတ်ဝန်းကျင်တွင် နေထိုင်ကျက်စားကြသည်။ ရွက်ဖုံးမှ အနှံမထွက်မီ အနှံတွင်းသို့ ဝင်ရောက်သွားသည်။
-
စပါးခွံ နှင့် အဆံကြားတွင်နေထိုင်ပြီး နောက်တရာသီ စိုက်ပျိုးသောအခါ ဆက်လက်တိုက်ခိုက်ဖျက်ဆီးသည်။
ရောဂါကာကွယ်ရန်အလေ့အကျင့်ကောင်းများ
-
ကြိုတင်လေ့လာပြီးမှသာ ရောဂါကင်းသော စပါးမျိုးစေ့ကို ရွေးချယ်စိုက်ပျိုးသင့်သည်။
-
အပူချိန် ၅၂-၅၃ ဒီဂရီ စင်တီဂရိတ် ခန့်ရှိသောရေနွေးတွင် မျိုးစေ့များကို ၁၅ မိနစ်ခန့် စိမ်ပေးခြင်းဖြင့် မျိုးစေ့တွင်းရှိ နီမတုတ်များကို သေစေနိုင်သည်။
ဓာတုဆေးဖြင့်ကာကွယ်နှိမ်နင်းပုံ
-
ရွှေ့ပြောင်းစိုက်ပျိုးခြင်း မလုပ်မီ ၇ ရက်တွင် ပျိုးခင်းတွင် Carbofurum 3G ကို ၁.၀ Kg a.i/hac နှုန်းထားဖြင့် ထည့်သွင်းကာကွယ်နိုင်သည်။