စပါးရွက်ဖုံးခြောက်ရောဂါ

ရောဂါ၏ အင်္ဂလိပ်အမည် - Sheath Blight

Rhizoctonia solani မှို ကြောင့် ရောဂါ ဖြစ်ပွားသည်။

• ရောဂါလက္ခဏာကို ပန်းပွင့်ကာနီးနှင့် ပန်းပွင့်ပြီးနောက်ပိုင်းတွင် ထင်ရှားစွာတွေ့ရသည်။

• ကျရောက်မှုဆိုးရွားပါက စပါးစေ့များအနှံမတည်ဘဲ အဖျင်းများသည်။

ရောဂါ လက္ခဏာ

• ရေမျက်နှာပြင် အထက်နားရှိရွက်ဖုံး ပေါ်တွင် စိမ်းညိုရောင် လုံးရှည်ပုံ ကွက်ပျောက်များ စတင်ဖြစ်ပေါ် သည်။ ၂-၃ ရက်အတွင်း အကွက် များ လျှင်မြန်စွာကျယ်ပြန့်လာပြီး မီးခိုးရောင် အနာကွက်များသည်  နီညိုရောင် (သို့) ခရမ်းရင့်ရောင်အနားသတ် ရှိသည်။ 

• အနာကွက် များတခုနှင့်တခုပေါင်းစပ်ပြီး ပုံမမှန်အကွက် ကြီးများဖြစ်လာသည်။ ရောဂါဖြစ်နေသော ရွက်ဖုံး နှင့် ထိတွေ့နေသော အရွက်များတွင်လည်း ရောဂါကျရောက်နိုင်သည်။

 

ရောဂါကူးစက်ဖြစ်ပွားပုံ

• ရောဂါပိုးသည် မြေကြီးထဲတွင် စကလယ်ရိုရှမ် အလုံးငယ်များအဖြစ်၎င်း၊ မှိုမျှင်များအဖြစ်၎င်း ကြာရှည်စွာနေနိုင်သည်။

• စပါးခင်းထဲတွင် ရေနှင့် မျောပါကာ အပင်နှင့်ထိတွေ့ပြီး ရောဂါကူးစက်သည်။

• အနှံထိ ဝင်ရောက်တိုက်ခိုက်ခံရပါက မျိုးစေ့ဆောင် ရောဂါအဖြစ်လည်းကူးစက်သည်။

ဓာတုဆေးဖြင့်ကာကွယ်နှိမ်နင်းပုံ

• ရောဂါရ အပင်များကို ထောက်ခံထားသော ရွက်ဖြန်းမှိုသတ်ဆေးများ ဖျော်စပ်ပက်ဖြန်းပေးခြင်းကသာ အဓိကနှိမ်နင်းနိုင်သည်။

• Carbendazim 250 gm သို့မဟုတ် Chlorothalonil  1 kg သို့မဟုတ် Edifenphos 1 Lit / ha နှုန်း ဖြင့် ပက်ဖြန်းနိုင်သည်။

ရောဂါပြင်းအားပေါ်မူတည်၍ ထောက်ခံထားသော မှိုသတ်ဆေးများ- 

 

• Validamycin

• Azoxystrobin 

• Trifloxystrobin 

• Metaminostrobin 20 SC