ကျောက်ဆူးပိုး (လောင်မီးပိုး)

ဖျက်ပိုး၏ အင်္ဂလိပ်အမည်- Rice Hispa 

ဖျက်ပိုး၏ သိပ္ပံအမည်- Dicladispa armigera

အဓိကလက်ခံပင်ဖြစ်သော စပါး၊ ကြံ၊ ဂျုံ၊ ပြောင်းနှင့် မြက်ရိုင်းအမျိုးမျိုးတို့တွင်လည်း နေထိုင်စားသောက်ပြီးအသက်ရှင် နေနိုင်သည်။

ကျရောက်သည့်အဆင့် နှင့် ဖျက်ဆီးပုံ

ပျိုးပင်အဆင့်၊ ပင်ပိုင်းကြီးထွားနေသောအဆင့်၊ ပန်းပွင့်သောအဆင့်တွင် အကောင်ကြီးများသည် အရွက်၏ မျက်နှာပြင် တစ်ရှူးများကို ခြစ်စားသည်။ ပိုးတုံးလုံးသည် အရွက်တွင်းသို့ လှိုဏ်ထွင်းဝင်ပြီး ခြစ်စား သည်။

ဖျက်ဆီးမှု လက္ခဏာ

• အကောင်ကြီးများစားသောက်မှုကြောင့် စပါးရွက်ပေါ်တွင် အဖြူရောင် အလျားလိုက် ပြိုင်လျက် အစင်းများ။

• ပိုးတုံးလုံးများစားသောက်မှုကြောင့် အမြှေးပါးသာကျန်သည့် မညီညာသော အဖြူရောင်အကွက်များ။ 

• ဆိုးဝါးစွာကျပါက ခြစ်စားထားသောအရွက်များ ခြောက်သွေ့သွား၍ စပါးခင်း မီးလောင်ခံထားရသလို ခြောက်သွေ့နေသော အကွက်များကို အဝေးမှတွေ့နိုင်သည်။

ဖျက်ပိုးကာကွယ်ရန်အလေ့အကျင့်ကောင်းများ

• ဥများနှင့် ပိုးတုံးလုံး ဝင်စားနေသော စပါးရွက်ထိပ်ပိုင်း များကို ဖြတ်ပေးခြင်းသည် ပိုးများ ကျရောက်မှု ၇၅-၉၂ % ထိ လျော့နည်း သွားစေသည်။

• ဆိုးဝါးစွာကျနေလျှင် အကောင်ကြီး များကို လက်ကိုင် ပိုက် ဖြင့်ဖမ်းပြီး ဖျက်ဆီးပစ်ရသည်

• စောစီးစွာရင့်မှည့် သော စပါးမျိုးကို စိုက်ပျိုးခြင်း

• Urea မြေသြဇာနှုန်းထားမြင့်စွာ မကျွေးခြင်း

ဓာတုဆေးဖြင့် ကာကွယ်နှိမ်နင်းပုံ

• လက်ရှိသုံးနေသော ပိုင်ရီသရွိုက် ဆေးများ- ဆေးရည် နှင့် ဆေးလုံးငယ်များ သုံးနိုင်သည်

• ကျောက်ဆူးပိုးများ စားသောက်လို စိတ် မရှိစေရန် တမာစေ့ပိုးသတ်ဆေး 300 ppm နှင့် azadirachtin 1500 ppm တို့ကို သုံးနိုင်သည်

• Methoprene နှင့် Diflubenzuron တို့သည် ပိုးများ၏ ကြီးထွားမှုကို အနှောင့် အယှက်ပေးသည်။

• ထိသေ-စားသေ ပိုးသတ်ဆေးများဖြစ်သည့် အောက်ပါ ပိုးသတ်ဆေးများကို ထောက်ခံနှုန်းထားအတိုင်းအသုံးပြုပါ-

• Azinphos-methyl EC 0.3-0.5 Kg/ha

• Carbaryl WP-1.25-1 Kg/ha

• Cartap EC 0,8 Kg/ha

• Chlordimeform EC- 0.5-0.75 Lit

• Dichlorvos EC- 0.75-1.0 Lit/ha

• Dimethoate EC 0.5 Kg/ha 

• Malathion 0.5 Kg/ha

Economic Threshold

 

• စပါးတစ်ရုံလျှင် အကောင်ကြီး ၄ /၅ ကောင် (သို့) ပိုးတုံးလုံး ၅ ကောင်

• ပင်ပွားထွက်ပြီးနောက်ပိုင်း အကောင်ကြီး ၂ ကောင်