တီလားပီးယားငါးများကို အများအားဖြင့် ရေနှင့်ဩဇာဓာတ်များလုံလောက်စွာရှိသော သဘာဝရေဝပ်သော နေရာများနှင့် တည်ဆောက်ထားသောကန်များတွင် မွေးမြူနိုင်သော်လည်း အထွက်နှုန်းကောင်းစေရန် စံနှုန်းနှင့် ကိုက်ညီသောငါးကန်များဖြင့် မွေးမြူရန်လိုအပ်သည်။
ငါးကန်တူးရန်အတွက် ရွှံ့မြေသည် အကောင်းဆုံးဖြစ်သည်။
နုန်းများသောမြေသည် ငါးအသားအရည်အသွေးနှင့် အရသာကို ထိခိုက်စေသောကြောင့် နုန်းများသောမြေတွင် ငါးမွေးမြူရန်အတွက် မသင့်တော်ပါ။
ရေအရင်းအမြစ်နှင့်နီးသောနေရာဖြစ်ပါက ပို၍အဆင်ပြေပြီး ဓာတုစွန့်ပစ္စည်းများနှင့် ဝေးသောနေရာဖြစ်ရမည်။
နေရောင်ခြည်နှင့်လေကောင်းစွာရသော နေရာဖြစ်ရမည်။
ငါးနှင့် သွင်းအားစုပစ္စည်းများ အလွယ်တကူသယ်ယူပို့ဆောင်ရန် လွယ်ကူသောနေရာ ဖြစ်ရမည်။