ပေါင်းမြက်နှိမ်နင်းသည့်နည်းလမ်းနှင့် အချိန်
- သင့်တော်သော နည်းလမ်းစုံသုံးပြီး ပေါင်းမြက်များကိုနှိမ်နင်းရမည်။ ( ဥပမာ- မျိုးကောင်းမျိုးသန့်သုံးခြင်း၊ မြေပြင်စဥ်ကတည်းက ပေါင်းမြက်များ ဖယ်ရှားပစ်ခြင်း၊ သင့်တော်သော ရေနေရေထိုင်ကို ကာလတခုအတွင်း ထားရှိပေးခြင်း၊ ကြားလိုက် ကိရိယာဖြင့် တန်းကြား ပေါင်းလိုက်ပေးခြင်း၊ လက်ပေါင်းလိုက်ခြင်း စသည်ဖြင့် ဆောင်ရွက်နိုင်သည်။ )
-
ပေါင်းမြက်များနှိမ်နင်းရန်အတွက် ပျိုးထောင် ကောက်စိုက်စပါးတွင် စိုက်ပြီးကောက်ပင်၏ သုံးပုံ နှစ်ပုံခန့်အထိ ရေနေရေထိုင် ကို အနည်းဆုံး ၇ ရက်မှ ၁၀ ရက် ခန့်အထိထားပေးရမည်။
-
တိုက်ရိုက်မျိုးစေ့ချစိုက်ပါက မျိုးစေ့ချပြီး ၁၀ ရက် သို့မဟုတ် ၁၅ ရက် မှစတင်၍ ရေသွင်းပါ။ ရေနေရေထိုင် ၄ လက္မခန့် ရှိရပါမည်။ စပါးပင်က ပေါင်းကိုစီးမိုးနိုင်သည့် အရွယ်ရောက်မှ ရေသွင်းရေထုတ် ပြုလုပ်ပါ။
-
ပေါင်းနှိမ်နင်းခြင်းကို ကောက်စိုက်ပြီး ၁၀-၁၂ ရက်အတွင်း၊ ၂၀-၂၂ ရက် နှင့် ၃၀-၃၂ ရက် တို့တွင် အနည်းဆုံး ၂ကြိမ်- ၃ ကြိမ် ဆောင်ရွက်သင့်သည်။
-
မျိုးစေ့တိုက်ရိုက်ချပြီးစိုက်ပါက စိုက်ပြီး ၂၀-၂၂ ရက်၊ ၃၀-၃၂ ရက်၊ ၄၀-၄၂ ရက် တို့တွင် ၂-၃ ကြိမ် ကြားပေါင်းလိုက်/သမန်းနှိုးပေးသင့်သည်။