စပါးပင်ပျိုးထောင်ခြင်း

ကြီးထွားမှုအဆင့်- အပင်ပေါက်ကာလ

• ပျိုးခင်းကို မြေဆီဩဇာထက်သန်သော နေရာတွင် ပြုလုပ်ပါ။

• စိုက်ခင်းတစ်ဧကအတွက် အကျယ် ၃ ပေ၊ အလျား ၁၅၀ ပေ၊ အမြင့် ၄ လက်မ ပျိုးဘောင် ၁ ဘောင် လိုအပ်သည်။  

• သစ်ဆွေး၊ နွားချေးဆွေး၊ စက်ဖွဲပြာများကို တတ်နိုင်သမျှ ထည့်သွင်းပေးပါ။ ပျိုး ၁ ဘောင်တွင် မြေခံအဖြစ် တီစူပါ (၆)ပြည်၊ ပိုတက်ရှ် (၃) ပြည်ထည့်ပါ။ 

• အရွယ်အစားညီညာသော ပျိုးပင်များရရှိစေရေးအတွက် ပျိုးခင်းမျက်နှာပြင် ညီညာအောင် ဆောင်ရွက်ပါ။ 

• သမန်းပျော်၍ ဘောင်ပျက်ခြင်းမှ ကာကွယ်နိုင်ရန် ဘောင်များကြားတွင် ရေမြောင်းများဖြစ်အောင် စနစ်တကျပြုလုပ်ခြင်းဖြင့် ရေသွင်းရေထုတ်လွယ်ကူပြီး ပျိုးခင်းစီမံရာတွင် အဆင်ပြေသည်။

• ဆားရည်စိမ်၍ မျိုးညှောက်ဖောက်ထားပြီး စာပါးစပ်ပြူနေသော မျိုးစေ့များကို ပျိုးဘောင်ပါ်တွင် ညီညီညာညာ ကြဲပက်ပါ။ မျိုးစေ့ကြဲပက်ရာတွင် ၃ပုံ၂ပုံခန့် ခပ်ပါးပါးဖြူး၍ ကျန်မျိုးစေ့များကို ပါးသည့်နေရာတွင် ထပ်မံဖြူးချပါ။ (ပျိုးဘောင် ၃ ပေ ပတ်လည်လျှင် စာပါးစပ်ပြူမျိုးစေ့ နို့ဆီဗူး တစ်ဗူးနှုန်း)

• မိုးရေနှင့် စာကလေးတို့ကြောင့် မျိုးစေ့များနေရာရွေ့ခြင်း/ပျောက်ခြင်းမှ ကင်းဝေးရန် ကောင်းစွာလောင်ကျွမ်းပြီး စက်ဖွဲပြာ အုပ်ပေးပါ။ (စက်ဖွဲပြာတွင် မျိုးကွဲစပါးစေ့များ ရောနှောခြင်းမရှိအောင် ဂရုစိုက်ပါ)