လယ်ယာမှတ်တမ်းထားရှိခြင်း

လယ်ယာမှတ်တမ်းများ ထားရှိရာတွင် အနည်းဆုံး (၃) နှစ်အတွင်း စိုက်ပျိုးထားသောသီးနှံစိုက်ပျိုးမှုမှတ်တမ်းများကို သိမ်းဆည်းထားရမည်။ 

လယ်ယာမှတ်တမ်းတွင် စိုက်ပျိုးချိန်မှ ရိတ်သိမ်း၊ ရောင်းချချိန်အထိပြုလုပ်ရသော လုပ်ဆောင်ချက်များ (မျိုး၊ မြေဩဇာ၊ ပိုးမွှားရောဂါ ကာကွယ်သည့်ဆေးဝါးများ သုံးစွဲမှုမှတ်တမ်း၊ ရေသွင်းခြင်းမှတ်တမ်း၊ စသည်...)၊ သွင်းအားစုကုန်ကျစရိတ်၊ လုပ်အားခစရိတ်၊ ရိတ်သိမ်းချိန်လွန်စရိတ်များ ပါဝင်သော ဝင်ငွေထွက်ငွေစာရင်းများနှင့် အရှုံးအမြတ်တွက်ချက်မှုများကိုပါ ထည့်သွင်းမှတ်သားထားရမည်။ 

လယ်ယာမှတ်တမ်းများကို သိမ်းဆည်းခြင်းဖြင့် တောင်သူများသည် ယခင်နှစ်များ၏ လုပ်ဆောင်ချက်များကို ပြန်လည်စစ်ဆေးနိုင်ရုံသာမက ၊ နောက်ရာသီများအတွက် လုပ်ဆောင်ရမည့် လိုအပ်ချက်များကို ခန့်မှန်းသိရှိနိုင်မည်။ 

ထို့အပြင် ၀င်ငွေနှင့်အသုံးစရိတ်တို့ကိုလည်း သိရှိတွက်ချက်နိုင်ပြီး မိမိလယ်ယာလုပ်ငန်း၏ အားသာချက်များနှင့် အားနည်းချက်များကိုသိနိုင်မည်။ 

အကျိုးဆက်အနေဖြင့် မိမိတို့၏ လယ်ယာစီမံခန့်ခွဲမှုစွမ်းရည်များလည်း ပိုမိုတိုးတက်လာမည်။ သို့မှသာ တောင်သူများမှာ မိမိတို့၏ လယ်ယာစိုက်ပျိုးရေးလုပ်ငန်းကို ယခင်ကထက် ပို၍စနစ်တကျကိုင်တွယ်နိုင်မည်။