ကြက်မျိုးကောင်းမျိုးသန့် ရွေးချယ်ခြင်း

တစ်မိသားပေါက်ကြက်ကလေး  တစ်သုတ်တွင် တစ်ကောင်နှင့် တစ်ကောင် ခန္ဓာကိုယ်အနေအထား၊ ပုံသဏ္ဍာန်နှင့် ကြီးထွား နှုန်း မတူကြပါ။

ကြက်ကလေးများကို အပေါ်မှစီးကြည့်လျှင် ကျောပြင်ကျယ်ရမည်။ 

ခန္ဓာကိုယ်အလျားကောင်းရမည်။ 

အရှေ့မှကြည့်လျှင် ရင်အုပ်ကျယ်၍ ခြေစုံရပ်သည့်အခါ ခြေနှစ်ဖက်ကားနေရမည်။

ခြေနှစ်ဘက်ပူးကပ်နေပါက ရင်အုပ်ကျဉ်းသည်။

မျက်လုံးများ ကြည်လင်ဝိုင်းစက်ကာ ဖျတ်လတ်မှုရှိရမည်။ 

ကြက်တစ်သုတ်တွင် ကြက်ကြီးများကို ဦးစွာရောင်း၍ ကျန်ကြက် အငယ်ဆုံးများကို ဆက်လက်မွေးမြူလျှင် ကြက်မျိုး ကောင်းများကို ဆုံးရှုံးနိုင်သောကြောင့် ထိုနည်းကို ရှောင်ကြဉ်ရမည်။ 

နောက်ဆုံးရောင်းချမည့်အချိန်တွင် ပုံသဏ္ဍာန်မှန်ပြီး အလေးချိန်အများဆုံး ကြက် ၂-၃ ကောင်ကို ဆက်လက်မွေးမြူရန် မျိုးအဖြစ်ချန်လှပ်ပြီးမှသာ ကျန်သောကြက်များကို ရောင်းချခြင်းဖြင့် မိမိကြက်မျိုးကောင်းများကို ထိန်းသိမ်းနိုင်မည်။