ការចិញ្ចឹមជាហ្វូង និងអាហារូបត្ថម្ភ
- ចំណីដែលមានជីវជាតិត្រូវតែត្រូវបានផ្តល់ឱ្យបានត្រឹមត្រូវសម្រាប់អត្រានៃការលូតលាស់បានល្អប្រសើរ និងការផលិតស៊ុតរបស់មាន់ស្រុក
- ប្រសិនបើសត្វមាន់មានអាហារូបត្ថម្ភទាប វាមិនធន់នឹងជំងឺ និងបណ្តាលឱ្យអត្រាងាប់ខ្ពស់
- ចំណីមាន់ធម្មជាតិដូចជា (អង្ករសំរូប ពោត កន្ទក់ នំប្រេងខ្យង ប្រេងល្ង ម្សៅត្រីស្ងួត សំបកខ្យង កន្ទក់ អាហារបំប៉នវីតាមីន)
- ចំណីដែលមានពណ៌បៃតងដូចជា (សារាយ កំផ្លោក ដើមចេក ម្រះព្រៅ) ។ល។
- សារាយអាសូឡា ស្មៅផ្អែម និងស្មៅ Napier ក៏ត្រូវបានគេប្រើសម្រាប់ចំណីមាន់នាពេលបច្ចុប្បន្ននេះផងដែរ
- ដើម្បីធ្វើអោយសុខភាព និងផលិតភាពខ្ពស់នៃសាច់ និងស៊ុតមានភាពល្អប្រសើរឡើង ត្រូវមមានតុល្យភាពនៃសារធាតុចិញ្ចឹមចំនួន ៦ដូចជា ម្សៅ ខ្លាញ់ ប្រូតេអ៊ីន វីតាមីន សារធាតុរ៉ែ និងទឹកមានសារៈសំខាន់សម្រាប់ការផ្តល់ជាអាហារ
- នៅក្នុងចំណីមាន់ ផ្នែកម្សៅគួរតែមានភាគរយខ្ពស់បំផុត។ ភាគរយម្សៅគឺ ខ្ពស់នៅក្នុងចុងអង្ករ ពោត និងស្រូវសាលី។ ម្សៅផ្តល់ថាមពលសម្រាប់ចលនារាងកាយ និងគ្រប់គ្រងសីតុណ្ហភាពរាងកាយ។
- ខ្លាញ់ផ្តល់ថាមពលដល់រាងកាយ។មេមាន់ពងត្រូវការខ្លាញ់ច្រើនជាងមេមាន់ធម្មតា ព្រោះពងមាន់មានជាតិខ្លាញ់។ ខ្លាញ់អាចទទួលបានពីម្សៅសណ្តែកដី ម្សៅប្រេងល្ង ម្សៅប្រេងសណ្តែក និងម្សៅប្រេងដូង។
- មាន់ត្រូវការប្រូតេអ៊ីនសម្រាប់ការលូតលាស់ និងសុខភាព។ សាច់ដុំ រោម ឈាម និងផ្នែកពណ៌លឿង នៃស៊ុតត្រូវបានបង្កើតឡើងដោយប្រូតេអ៊ីន។ ប្រូតេអ៊ីនអាចទទួលបានពីចំណីដូចជាត្រីងៀត និងបង្គា។
- ទោះបីជាវាត្រូវការក្នុងបរិមាណតិចតួចក៏ដោយ ប៉ុន្តែពួកវាមានសារៈសំខាន់ណាស់សម្រាប់សុខភាពមាន់ ភាពរឹងមាំ អត្រាលូតលាស់ អត្រានៃការបន្តពូជ និងការបង្កកំណើតនៃស៊ុត។វីតាមីនអាចទទួលបានពីបន្លែជាច្រើនប្រភេទ។
- សារធាតុរ៉ែមានសារៈសំខាន់សម្រាប់ការជំនួយឆ្អឹង ការបង្កើតសំបកស៊ុត ស្ថានភាពសុខភាពល្អបំផុត និងកម្លាំងសាច់ដុំ។ ប្រសិនបើកង្វះសារធាតុរ៉ែ វាអាចបណ្តាលឱ្យមានជំងឺទាក់ទងនឹងកង្វះសារធាតុរ៉ែ។ ឧទាហរណ៍ កង្វះកំបោរ និងផូស្វ័រ អាចបណ្តាលឱ្យពុកឆ្អឹង។
- ទឹកគឺមានសារៈសំខាន់សម្រាប់ការរំលាយអាហារ និងការដឹកជញ្ជូនសារធាតុចិញ្ចឹមដែលរំលាយចូលទៅក្នុងរាងកាយទាំងមូល។ ទឹកស្អាត និងស្រស់គួរតែត្រូវបានផ្តល់សម្រាប់មាន់ពេញមួយថ្ងៃ។ ត្រូវតែដាក់ក្នុងម្លប់។
- វីតាមីន និងសារធាតុរ៉ែគឺ អាចរកបានយ៉ាងងាយស្រួលពីស្លឹកម្រុំ។ស្លឹកម្រុំ អាចហាលដោយខ្យល់មិនត្រូវពន្លឺថ្ងៃផ្ទាល់រយៈពេល 2-3 ថ្ងៃ។ ស្ថានភាពល្អបំផុតសម្រាប់ស្លឹករក្សាទុកគឺខណៈពេលដែលស្លឹកស្ងួតនៅតែមានពណ៌បៃតងដើមរបស់វា។ទុកស្លឹកស្ងួតក្នុងធុងខ្យល់ក្នុងចំណីមាន់ ១ដប (១,៦គីឡូក្រាម) មួយពែងពេញ (កំប៉ុងទឹកដោះគោខាប់) ស្លឹកម្រុំស្ងួតអាចលាយចូលគ្នាបាន។