អត្ថប្រយោជន៍នៃទឹកអង្ករ ជាទូទៅ ទឹកអង្ករត្រូវបានគេស្គាល់ថាប្រើសម្រាប់លាងមុខ ដើម្បីឱ្យស្បែករលោង និងមានសម្រស់ស្អាត។ វាក៏ត្រូវបានគេប្រើសម្រាប់កក់សក់ ដើម្បីឱ្យសក់មានពណ៌ខ្មៅរលោង និងមានសុខភាពល្អផងដែរ។ ក្រៅពីនេះ ទឹកអង្ករត្រូវបានប្រើដើម្បីជម្រះជាតិពុល និងក្លិនមិនល្អចេញពីបន្លែ។ ទោះជាយ៉ាងណាក៏ដោយ មនុស្សមិនសូវច្រើនទេដែលដឹងថា ទឹកអង្ករក៏អាចប្រើជាជីសរីរាង្គដ៏មានប្រសិទ្ធភាពសម្រាប់រុក្ខជាតិផងដែរ។ ដូច្នេះ អត្ថបទនេះត្រូវបានសរសេរឡើង ដើម្បីជួយឱ្យមនុស្សកាន់តែច្រើនបានយល់ដឹងអំពីអត្ថប្រយោជន៍របស់វា។ សារធាតុចិញ្ចឹមដែលមាននៅក្នុងទឹកអង្ករ * អាសូត (Nitrogen - N) * ផូស្វ័រ (Phosphorus - P) * ប៉ូតាស្យូម (Potassium - K) * វីតាមីន (Vitamins) * កាកសរសៃ (Fibres) * អាស៊ីតអាមីណូ (Amino Acids) * ប្រូតេអ៊ីន (Proteins) * ជាតិដែក (Iron) * ស័ង្កសី (Zinc) * កាល់ស្យូម (Calcium) សារធាតុចិញ្ចឹមទាំងនេះ គឺជាជីសរីរាង្គគ្រប់គ្រាន់សម្រាប់សួនដំណាំតាមផ្ទះ និងរុក្ខជាតិលម្អក្នុងផ្ទះ។ អត្ថប្រយោជន៍នៃទឹកអង្ករសម្រាប់រុក្ខជាតិ * ដោយសារវាមានផ្ទុកនូវកាបូអ៊ីដ្រាតយ៉ាងច្រើន វាផ្ដល់នូវកាបូន អាសូត អុកស៊ីហ្សែន និងអ៊ីដ្រូហ្សែន ដែលជួយឱ្យរុក្ខជាតិលូតលាស់បានលឿន។ * វាបង្កើនបាក់តេរីល្អៗដែលមានស្រាប់នៅក្នុងដី ជួយឱ្យឫសរុក្ខជាតិស្រូបយកសារធាតុចិញ្ចឹមបានល្អ និងបង្កើនជីជាតិដី។ * ការបាញ់ទឹកអង្ករលើរុក្ខជាតិ ជួយការពារសត្វល្អិតដែលជញ្ជក់ជ័ររុក្ខជាតិ។ * វាជួយបង្កើនកម្រិតសារធាតុចិញ្ចឹម N, P, និង K នៅក្នុងដី។ * វាជួយឱ្យរុក្ខជាតិរឹងមាំ បង្កើនភាពស៊ាំនឹងសត្វល្អិត និងជំងឺ ហើយជួយឱ្យផ្កា និងផ្លែមានសុខភាពល្អ និងមានសម្រស់ស្រស់ស្អាត។ របៀបយកទឹកអង្ករឆៅ (ទឹកលាងអង្ករ) 1. ពេលលាងអង្ករ ត្រូវកូរវាឱ្យបានប្រហែល ២ ទៅ ៣ នាទី រហូតដល់ទឹកឡើងល្អក់។ 2. សម្រាប់ការប្រើប្រាស់លើរុក្ខជាតិ ត្រូវត្រងយកទឹកលាងទីមួយទុកដោយឡែកក្នុងធុងមួយ។ របៀបយកទឹកអង្ករឆ្អិន (ទឹកបបរ) 1. ពេលដាំបាយ ត្រូវបន្ថែមទឹកឱ្យច្រើនបន្តិច រួចដួសយកទឹកដែលកំពុងពុះនោះដាក់ក្នុងធុងផ្សេង ហើយទុកឱ្យត្រជាក់ (គួរវាស់បរិមាណទឹកដែលអ្នកចង់បានជាមុន)។ វិធីសាស្ត្រធ្វើការផ្អាប់ (Fermentation) 1. ត្រៀមទឹកអង្ករចំនួន ១ លីត្រ។ 2. ចាក់ទឹកអង្ករប្រហែល ៣ ភាគ ៤ ចូលក្នុងដបទំនេរមួយ។ 3. បន្ថែមស្ករស ៥ ក្រាម (ប្រហែល ១ ស្លាបព្រាកាហ្វេ) ឬ ២ ស្លាបព្រាបាយនៃទឹកស្កររងូ (Molasses) ឬទឹកស៊ីរ៉ូដើមត្នោត។ 4. បន្ថែមទឹកដោះគោ ឬយ៉ាអួ (៤ ស្លាបព្រាកាហ្វេ)។ 5. បិទគម្របឱ្យជិត រួចក្រឡុកឱ្យសព្វ។ 6. រក្សាទុកក្នុងកន្លែងដែលមានម្លប់រយៈពេល ៣ ទៅ ៤ ថ្ងៃ នោះវានឹងរួចរាល់សម្រាប់ប្រើប្រាស់។ វិធីសាស្ត្រប្រើប្រាស់ * លាយទឹកអង្ករ ១ ភាគ ជាមួយទឹកធម្មតា ១០ ភាគ រួចស្រោចនៅជុំវិញគល់រុក្ខជាតិនៅពេលព្រឹក ឬពេលល្ងាច។ * វាអាចប្រើបានសម្រាប់ទាំងដំណាំក្នុងសួន និងរុក្ខជាតិលម្អក្នុងផ្ទះ។ * ត្រូវកែសម្រួលបរិមាណទៅតាមប្រភេទរុក្ខជាតិ ព្រោះការប្រើប្រាស់ច្រើនហួសកំណត់អាចបង្កផលប៉ះពាល់។ * ទឹកអង្ករផ្អាប់ ក៏អាចប្រើជាថ្នាំបាញ់កម្ចាត់សត្វល្អិតផងដែរ ដោយលាយ ១ ស្លាបព្រាកាហ្វេ ក្នុងទឹក ១ លីត្រ រួចបាញ់លើស្លឹក។ * វាក៏អាចប្រើជាស្រពៃ (Spray) សម្រាប់ប្រភេទដើមឈើវាលខ្សាច់ (Succulents) ផងដែរ។ 📲 ទាញយក Mekong Farm នៅថ្ងៃនេះ៖ https://onelink.to/mekongfarm 📱 មាននៅលើ Google Play & App Store #mekongfarmapp #Mekongfarm #agriculture #smartaxiata